முதுமை

முதுமையை சிறைவைத்திருந்தது இளமை
இளமையை கொன்றுவிட்டது
முதுமை

கவிதை

மனதைச் சாறு பிழிந்தேன்
வடிந்தன துளிகள்
காகிதத்தில்

கோடை

கடல் நீர் அருந்தாத
கோடைவெயிலுக்கு
குளத்து நீர் விருந்தானது

கண்ணாடி

நிஜம் நிழலின்முன்
தலை பணிந்தது
கண்ணாடி

வளயல்கள்

அவளின் கரங்களில் தழுவும்வரை
சிரித்துக் கொண்டுதானிருக்கும்
இந்த வளயல்கள்

நூலகம்

மலர்கள் மணம்பறப்பின
மரங்கள் இல்லாத
பூங்காவனத்தில்........!

வெங்காயம்

என்னைத் தோலுரிக்கிறார்கள்,
அவர்களின் கண்களில்
கண்ணீர்.......!

சூரியன்

விண்ணிலே ஒரு துளி
மண்ணிலே பேரொளி
சூரியன்

நூல் நிலையம்

அறிவாளிகள் அமர்ந்திருக்கிறார்கள்
புத்திசாளிகள் வந்து போகிறார்கள்
நூல் நிலையம்

வாழை மரம்

சந்ததி பிறந்தது
உடன் சங்கதி முடிந்தது.
வாழை மரம்

மலர்ச்சாடி

வேர்கள் மட்டுமல்ல
பூக்களும்தான் அனுபவிக்கின்றன
ஆயுள் தண்டனை

ஏணி

ஒரு முடம்
முன்னேறிச் செல்ல
தோள் கொடுக்கிறது

நட்சத்திரங்கள்

பூமி இருளுக்குள் புதைந்து
திண்டாடும் போது
வானில் மட்டும் கொண்டாட்டம்

மின்னல்

மேகங்கள் கூடி இடித்ததில்
வான் சுவரில் வெடிப்பு
மின்னல்

பாதை

வளைந்து போனதொரு வீதி
எல்லோரும் சொல்கிறார்கள் இது
நேரான பாதை என்று

நவீன உலகம்

கப்பல்கள் மட்டுமல்ல
ப்போது கட்டிடங்களும் தரிக்கின்றன
கடலில்

பூ மாலை

மனிதனின் புகழ்
தூக்கிவிடப்பட்டது
மலர்களோ தூக்கிலிடப்பட்டது

இயந்திமும் எரிபொருளும்

வேர் அருந்தாத நீரை
நீ அருந்துவதால்தானே
போர் விரிந்திருக்கிறது

மேளம்

நீ அடிவாங்கும் போது
நான் ரசிக்கின்றேன்
உன்மீது அவ்வளவு பிரியம் எனக்கு

இளனி வியாபாரி

எல்லோரும் அருந்துகிறார்கள்
எங்களுடைய தாகம்
தணிகிறது.....!

பனிமலை

தலை நரைத்தபோதிலும்
இளமையாகத்தான் இருக்கிறது
மலை

மீன்கள்

தண்ணீருக்குள் உலவு
தரைக்கு வந்தால்
உணவு

குடை

மரங்கள் தேவையில்லை
மழையடித்தால் போதும்
கரங்களில் பூக்கள் பூக்கும்

இரவு வானம்

உயிரிழந்தது உலகம்
விதவையானது நிலவு
இரவு வானம்

கண்கள்

திக்கெட்டையும் காட்சிப்படுத்தும்
இக்கட்டிலே காட்டிக்கொடுக்கும
கண்கள்

தீக்குச்சி

தலைவன் பிரகாசிப்பதற்காக
தீக்குளித்தான் தொண்டன்
தீக்குச்சி

மின்னல்

மரத்தினுச்சியில் வேர்விரிந்தது
மண்ணின் மடியினில்
மரம் சரிந்தது...!

கூந்தல்

நிலவைச் சுற்றிலும்
மழைபெய்யாத கருமுகில்கள்
கூந்தல்

கண்கள்

அழகை ரசிக்க மட்டுமல்ல
அழவும்தான்
கண்கள்

உதடுகள்

அழகிய ரோஜாப்பூ
முள்ளும் இருக்கிறது
உள்ளே

ஒற்றுமை

ஒரு குடைக்குள் கிடைக்கிறது
ஒரு கூரைக்குள் கிடைப்பதறிது
ஒற்றுமை

நெருப்பு

விரலை வைத்தால் சுடுகின்றது
சிலரின் நெஞ்சுக்குள்ளே சுடர்கின்றது
நெருப்பு

பூக்கள்

வாசனையை மட்டுமல்ல
வண்டுகளையும் தான் சுமக்கிறது
பூக்கள்

சாடியில் பூக்கள்

சிறைப்பட்டிருக்கிறது
இருந்தும் சிரித்துக்கொண்டிருக்கிறது
சாடியில் பூக்கள்

கண்கள்

விருந்து படைக்கும்
அதில் விஷமும் இருக்கும்
கண்கள்

வானம்

தூணில்லாத கூரை
விழுந்தது நடுக்கடலில்
வானம்

நிலவு

அனைத்தையும் விழுங்கிய இருள்
ஒருதுளியை மட்டும் கக்கியது
நிலவு

மீன்கள்

தண்ணீருக்குள் இரணம்
தப்பிக்க நினைத்தால் மரணம்
மீன்கள்

நீர் கெண்டி

பொழுது விடிந்ததும்
கூவியது நகரத்து சேவல்
நீர் கெண்டி

மின்னல்

வான்சுவரில் மின்சாரக்கசிவு
அனைந்துபோனது சூரியவிளக்கு
மின்னல்

வென்மேகங்கள்

பற்றிக் கொள்ளாமல் பஞ்சு
பக்கத்திலே தீச்சுவாலை
வென்மேகங்கள்

பாலைவனம்

தண்ணீர் இல்லாத கடலில்
நுரையில்லாமல் அலைகள்
பாலைவனம்

மொட்டுக்கள்

பூக்களின் புன்னகையை
பொத்தி வைத்துக்கொண்டன
மொட்டுக்கள்